منتديات الكافيه
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


منتديات الكافيه كل ما تتمناه  
الرئيسيةالبوابهاليوميةمكتبة الصورس .و .جبحـثالتسجيلدخولتسجيل دخول الاعضاء

شاطر | 
 

 الراجل مش بس بكلمته.......

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
~*شمس الإسلام*~
المدير العام
المدير العام


الجنس : انثى
البلد :
العمر : 24
المهنه :
الحاله :
عدد المساهمات : 1284
نقاط : 14953
تاريخ التسجيل : 18/02/2010

مُساهمةموضوع: الراجل مش بس بكلمته.......   الخميس ديسمبر 09, 2010 12:39 pm

[b][b]
[size=21]
النهاردة هنخرج برة المنتدى
في جولة صحفية عن موضوع مهم أوي
هتعرفوه بعد ما تشوفوا التقرير معايا قصدي تقرأوه


أخدت مواصلة من على باب المنتدى
وروحت على الجامعة


شفت شاب واقف تحت شجرة
وبيدخن فقلت أكبس عليه وأعمل مع الحوار ده
أتعرف على حضرتك
أنا اسمي هيثم
اهلا بيك ياهيثم
هيثم عاوز أسألك سؤال
اتفضل
أنت بتدخن ليه
بص لي ونفخ في وشي الدخان
كحكحكح ايه يابني هتخنقني ولا ايه
بقولك بتدخن ليه مش اخنقني
طب وده سؤال برضه ياعم الحاج
[size=25] كل الرجالة بيدخنوا

يعني لما بتدخن ياهيثم بتحس انك راجل
طبعا بحس أوي , بحس خالص
طيب ياهيثم سلام
سلالام ياعم الحاج ونفخ تاني في وشي الدخان


مشيت شوية
لقيت شاب واقف مع بنت
قلت لازم أعمل معاه الحوار
بس بس
بص لي وأخد باله وجالي
أيوة
ممكن أتعرف عليك
أنا طارق
ممكن تقولي ياطارق أنت واقف مع البنت دي ليه
أنت هتستظرف ولا إيه ؟؟
لا والله أبداً عاوز أعرف بس
كل الرجالة اللي في سني لازم يكون لهم بنت يمشوا معاها
الرجالة !!!
آه طبعاً رجالة عندك إعتراض ؟؟؟؟؟؟
لا أبداً يا أستاذ طارق
طب عن إذنك علشان مينفعش أسيبها لوحدها علشان محدش يعاكسها
أنت بس اللي تعاكسها
بتقول إيييه ؟؟؟
لا أبداًَ مفيش حاجة


زي ما أنتم شايفين التقرير ده متعب أد إيه
واحد خنقني والتاني كان هيضربني وربنا يستر في الباقي
ياريت الإدارة تصرف لي بدل طبيعة عمل



ماشي فلقيت هيصة وزعيق جامد أوي
بصيت لقيت واحد ضخم
ماسك راجل غلبان ونازل فيه طحن
إيه ياعم أنت ؟؟
أنت مفيش في قلبك رحمة
بص لي حتة بصة
بصراحة خفت منه
قال لي في حاجة ياكابتن
استجمعت قوتي وقلت له
أنت بتضربه ليه بالطريقة دي
أنا راجل المنطقة وأعمل في منطقتي زي ما أنا عاوز
يامعلم بالهداوة بس
أنت ما سمعتش الحديث بتاع النبي عليه الصلاة والسلام
اللي بيقول فيه
[b] ليس الشديد ذو الصرعة إنما الشديد الذي يملك نفسه عند الغضب

ساب الراجل الغلبان من ايديه وقاله خلاص عفوت عنك المرة دي
لكن المرة الجاية مفيش حد هينجيك من تحت ايدي

قلت له ربنا يصلح حالك يامعلم وبالراحة عالناس شوية
وبالإذن ياعم الفتوة




الجو حاااااااااار جداً قلت أروح أجيب عصير من المحل اللي على أول الشارع

السلام عليكم
وعليكم السلام
لو سمحت ياحاج عاوز عصير مانجا
اتفضل
أذاااااااااااااااااااااان الظهر
لقيت الراجل واقف عادي خالص ولا كأن في حاجة
بقولك ايه ياحج
نعمين
أنت مش هتروح تصلي ولا إيه
هصلي بعدين
إزاي بس
يعني عاوزني أسيب شغلي وأروح أصلي
وفيها إيه بس
العمل عبادة والراجل هو اللي يأخد باله من شغله
طيب ما تكمل المرجلة وتروح تصلي
يلا ياكابتن شوف مصلحتك علشان مش عاوز أذيك
طيب ياعم بالراحة شوية متزقش


تقرير إيه ده اللي كل ضيوفه عاوزين يضربوني

صليت الظهر وقولت أروح منطقة تانية
الأتوبيس جاااااااااااااي
معلش هحط عدة الشغل في الشنطة مش فاضي لكم



وبعد جهد جهيد طلعت الأتوبيس

ولقيت كرسي بالعافية

في المحطة التانية
طلع راجل عجوز
فقلت تعالى ياحاج اقعد مكاني
قام اللي قاعد قدامي وقال
والله ما هو قاعد الا مكاني أنا
وقام وقعده مكانه وفضل واقف جنبي
قلت له عملت ليه كدة
قال أنا مش راجل ولا إيه
وبعدين الرسول عليه الصلاة والسلام
قال وأن تعين الرجل في دابته فتحمله عليها صدقة

قلت صلى الله عليه وسلم يلا ياعم فزت بالأجر


كان قاعد شاب جنبي باصص للشباك علطول
حسيت أن دماغه مش في الأتوبيس أصلاً
لقيته بيهمم بكلمات مش فاهمها
ركزت أوي علشان أسمع هو بيقول إيه
لقيته بيذكر ربنا وعينه فيها دموع
فافتكرت حديث السبعة
ورجل ذكر الله خالياً ففاضت عيناه
فدعيت له في نفسي وقلت ربنا يكتر من أمثالك
وبعدين وصلت للمكان اللي كنت عاوزه ونزلت من الأتوبيس

بيني وبينكم عصير المانجا اللي فات شربته من غير نفس لأن صاحب المحل زي ما أنتم عارفين

لقيت محل تاني قلت فرصة
وأنا رايح
أذااااااااااااااااان العصر
وصلت المحل لقيت صاحبه بيقفل
قلت واحد عصير مانجا لو سمحت
قالي بعد الصلاة
قلت علطول مش هياخد وقت الأذاان لسة مأذن
قالي بعد الصلاة
كل ما أقوله حاجة زي ما يكون متبرمج على كلمة بعد الصلاة
وفي الآخر قالي يابني أنت عاوزني أخالف الآية
قلت له آية إيه
[size=21](أَيُّهَا الَّذِينَ آَمَنُوا لَا تُلْهِكُمْ أَمْوَالُكُمْ وَلَا أَوْلَادُكُمْ عَنْ ذِكْرِ اللَّهِ وَمَنْ يَفْعَلْ ذَلِكَ فَأُولَئِكَ هُمُ الْخَاسِرُونَ )
[size=25]والرجل هو اللي مينشغلش بالشغل عن الصلاة

قلت له عندك حق
جزاك الله خيراً
وروحت صليت معاه العصر
وبعد الصلاة اشتريت العصير
طبعاً المفروض يكون ليا في المهمة دي بدل عصير
يلا مش مشكلة
[/size][/size]
[size=21]
وبعدين اتمشيت شوية على النيل لغاية المغرب
قلت أذكار المساء وروحت صليت في المسجد
مشيت شوية لقيت راجل شايل حاجات تقيلة وزي ما يكون خايف لحد يشوفه
مشيت وراه قولت أكيد وراه حاجة
لقيته طلع شقة في بيت قديم أوي
شوية ونزل فاضي قلت لازم أعرف الحاجات اللي معاه راحت فين ؟؟
[/size]
[size=21]مستغربوش [/size][size=21]أصل الصحفي الكويس اللي زي لازم يتمتع بنظرة زي نظرة المفتش كرومبو
طلعت الشقة وخبطت طلعت ست عجوزة
قلت السلام عليكم ياحاجة
قالت وعليكم السلام يابني خير؟؟
حسيت أنهم فقرا وممكن يكونوا محتاجين حاجة
قلت أنتم محتاجين حاجة ياأمي ؟؟
قلت ربنا يكرمك يابني بس الحاج أبو عبدالله مش مخلينا محتاجين حاجة
قلت الحاج أبو عبدالله اللي كان هنا من شوية
قالت الله يبارك له ويعمر بيته ويبارك له في ولاده
5 سنين وهو واخد باله مني ومن ولاد ابني الأيتام
قلت لها الله يبارك له ياحاجة ويكثر من أمثاله
سلام عليكم
قلت في نفسي مش جاي تسئ الظن ياكرمبو إلا في كافل الأيتام
وتذكرت حديث النبي صلى الله عليه وسلم
[size=25]أنا وكافل اليتيم كهاتين في الجنة وأشار
باصبعيه السبابة والوسطى

[/size][/size]

[size=21]
طبعاً بعد الرحلة الشاقة دي نكون وصلنا لنهاية التقرير

[/size]
استفدنا إيه بعد التقرير ده ؟؟؟

تقريرنا كان عن مفهوم الرجولة عند الناس والشباب خصوصا

شفتوا هيثم مفكر الرجولة في سيجارة

وطارق معتقد أن المشي في البنات هي الرجولة

والراجل الفتوة مفكر الفتونة هي الرجولة

وأما صاحب المحل اللي كان عاوز يضربني مفكر أن الشغل وإهمال الصلاة هي الرجولة

على العكس منهم

الأخ اللي قعد الرجل العجوز مكانه شايف أن هي دي الرجولة

والأخ اللي كان قاعد جنبي شايف أن ذكر الله وخشيته هي الرجولة

وصاحب المحل اللي مرضاش يبيع بعد الأذان أي حاجة وشايف أن ده هيعطله عن الصلاة لأن الرجولة من وجهة نظره أن الشغل ميعطلكش عن الصلاة


وكان ختام التقرير الحاج أبو عبد الله اللي بيكفل الأيتام من 5 سنين وبيخفي عمله ده وماشاء الله مش مخليهم محتاجين حاجة


أرجو أنكم تكونوا استفدتم من التقرير وأراكم في تقاير أخرى قريباً إن شاء الله
[/size]
[/size][/b][/b][/b]





مش مهم انك تغير الكون... المهم انك تخلي الكون ما يغيركش
"أسأل كثيرا لماذا
أشعر بالسعادة فقط عندما أتكلم إلي نفسى, و عرفت بعد فترة أن سبب الراحة
هو كونى الشخص الوحيد الذى تريحنى إجاباته"
الرجوع الى أعلى الصفحة اذهب الى الأسفل
بيبو
عضو نشيط
عضو نشيط


الجنس : ذكر
البلد :
المهنه :
عدد المساهمات : 274
نقاط : 13206
تاريخ التسجيل : 19/02/2010

مُساهمةموضوع: رد: الراجل مش بس بكلمته.......   الأحد ديسمبر 12, 2010 8:45 pm

الرجوع الى أعلى الصفحة اذهب الى الأسفل
Admin
صاحب الكافيه
صاحب الكافيه


الجنس : ذكر
البلد :
العمر : 25
المهنه :
الحاله :
عدد المساهمات : 1349
نقاط : 18642
تاريخ التسجيل : 17/02/2010

مُساهمةموضوع: رد: الراجل مش بس بكلمته.......   الخميس فبراير 03, 2011 3:27 pm




الرجوع الى أعلى الصفحة اذهب الى الأسفل
http://eldeek-anything.darbalkalam.com
 
الراجل مش بس بكلمته.......
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الكافيه :: الركن الاسلامى :: الاسلامى العام-
انتقل الى:  
عدد الزوار حتى الان
free counters