منتديات الكافيه
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


منتديات الكافيه كل ما تتمناه  
الرئيسيةالبوابهاليوميةمكتبة الصورس .و .جبحـثالتسجيلدخولتسجيل دخول الاعضاء

شاطر | 
 

 الاستاذ رمضان مبروك الف مبروك على التعليم المصرى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
~*شمس الإسلام*~
المدير العام
المدير العام


الجنس : انثى
البلد :
العمر : 24
المهنه :
الحاله :
عدد المساهمات : 1284
نقاط : 14973
تاريخ التسجيل : 18/02/2010

مُساهمةموضوع: الاستاذ رمضان مبروك الف مبروك على التعليم المصرى   الخميس أكتوبر 14, 2010 2:22 pm

اقتباس :
قبل ما ابدأ الموضوع بقول المدرسين مش يزعلوا منى ((((بعـــــــــــض فقط ))))
[center]ازى حضراتكم يارب تكونو بخير

طبعا الموضوع لو فكرنا فيه من ناحية العقل والحقيقة هنلاقيه بيلامس الواقع بل يكاد يدخله من تجارب حقيقية بنعيشها كطلبه
سياء تعليم اساسى او جامعى
يعنى كل واحد فاكر نفسه راح الجامعة طلع منها بقى ومحدش يقدر عليه
ده انتم بتشوفوا ذل من الدكاترة
اللى يقولك //الكلام اللى فى الكتاب ده ملياش دعوة بيه ده مش كتابى انت تكتب ورايا وده اللى هينفعك
وصاحبنا صاحب كتاب // الكتاب عليه 20 % من الدرجة لو مش اشتريته هيضيعوا عليك
واللى يدخل يرغى فى اى كلام ولا كانه يعرف حاجة وانت ناااااااااام بقى
يعنى حاجة فل
وانا فى احد المنتديات لقيت واحد عامل الموضوع ده عجبنى فقلت انقله واشوف ارائكم ,,,,
فضلت الف وادور وانكش على صورة تصف الموضوع ده فاتكعبلت فى الصورة دى فى المنتدى


وفعلا هيا دى الحقيقة
موضوعى هيبقا عن حاجتين تلاتة كدا
اولا
التعليم فى بلدنا المحروسة
طبعا الكل شايف مناهج وكلام مكلكع فى الكتب الدراسية تكاد تكون المناهج دى اختفت من قرون فى العالم معدش غير البلد بتاعتنا دى ( ليه بقا لاننا مش زى اى حد احنا مش زى غيرنا )
ماشاء الله يدخل المدرس يقعد يتكلم على مدار الحصة او المحاضرة
بعض المدرسين ( بعض هاه )
بعضهم يعملو نفسهم بيشرحو والطلبة تعمل نفسها بتفهم وما شاء الله شغل عصير لمون فى بعضه وكأنك يابو زيدما تعبت نفسك فى المدرسة وجيت
ودا ذنب مين
مش هنقول اساتذتنا الافاضل ولا هنقول الطلاب المبجلين هنقول العيب فى النظام والبلدى يوكل
يعنى عايزين مناهج تدري مش مناهج تتصم وتدخل الامتحانات نرصها وفى الاخر استفدنا ايه ( استفدنا الصلاة النبى ((صلوا على الحبيب)))

تانى حاجة
الدروس الخصوصية
اقتباس :
ملحوظة
المدرس طول الحصة فى المدرسة يشخط وينطر ويجيب الرعب للطلبة
اما بقى فى الدرس بيكون هادىء جدااا مش عارفة ازاى والله بيتغير بسرعة كده
طبعا ماشاء الله كلنا طلبة ( طلبة علم مش طلبة قرب محدش يفهمنى صح )
شايفين الدروس الخصوصية اللى بتجرى فى العروق المصرية مجرى الدم فى الوريد
بعض المدرسين ( بعض هاه ) بيبيعو ضميرهم
تلاقى المدرس من دول ماشاء الله يدخل الحصة يرغى ربع ساعة مع الطلبة فى الفاضى وربع ساعة على ما يكتب عنوان الدرس وربع ساعة يقول الطلبة بطلو كلام يا ولاد
وعشر دقايق يفضل ينصح فيهم وخمس دقايق يقول فيهم احنا هنشرح النهاردة يا ولاد ( وفجأة الجرس يضرب ويخرج المدرس ماشاء الله فارد جناحاته وفرحان ان الحصة خلصت
والطلبة طبعا عايزة حد يشرحلها تروح جرى على اقرب مدرس ( اللى مبيشرحش فى المدرسة ) ودرس خصوصى وسبحان الله الساعة بتاعة الدرس الخصوصى يفضل يشرحها كلها وكأنه بنى أدم تانى غير اللى كان فى المدرسة
وزى ما الكل عارف اسعار الدروس الخصوصية عاملة ازاى اسعار فى السحاب ماشاء الله ( اللهم لا حسد )

والطلبة ياعينى مشحتين اهاليهم وراهم
خاصة فى مرحلة الثانوية ولى الامر بيدفع دم قلبه وفى الاخر تيجى امتحانات الثانوية زى السنة اللى فاتت والطلبة تنتحر
والمدرس نفسه بيشكى من غلو اسعا ر السلع
طب بتشتكى ليه منتا كمان اسعارك نار ومش حامل هم حد
ودا ليه ( لاننا مش زى اى حد احنا مش زى غيرنا )


تالت حاجة
نهاية المطاف
لقيت الصورة دى بردو واصفة كلامى

بعد كل التعب
ابتدائى واعدادى وثانوى وجامعة يبقا حالنا كدا !!!!!!!!!!!!!!!!
مفيش شغل وكله بيقعد يتفرج على شهادته اللى على الحيط ولما يزهق يروح يقعد على القهوة على بال ماحد يجيبله شغلانة حفر فى مشروع مجارى
والحقيقة مش عارف ايه الحل فى دا
نتعلم مش نافع نطلع من التعليم مش نافع
يبقا نعمل ايه؟؟؟؟؟؟؟؟
انا عرفت الحل لو انتو كمان عرفتو اتصلو بينا وانتو تكسبو شهادة تقدير تعلقوها جمب شهادة نهاية التعليم اللى على الحيط
وبعد دا كله نقول العيب فى مين
ودا ليه ( لاننا مش زى غيرنا احنا مش زى اى حد )
........................
عارف انى رغيت كتير ( طبعنا واللا احنا يعنى هنشتريه )
استحملونى معلش
ودايما نحب نختم الموضوع
بــ
دمتم فى رعاية الله
:::::::::::::::::::
لا اله الا انت سبحانك انى كنت من الظالمين

[/center]





مش مهم انك تغير الكون... المهم انك تخلي الكون ما يغيركش
"أسأل كثيرا لماذا
أشعر بالسعادة فقط عندما أتكلم إلي نفسى, و عرفت بعد فترة أن سبب الراحة
هو كونى الشخص الوحيد الذى تريحنى إجاباته"
الرجوع الى أعلى الصفحة اذهب الى الأسفل
~*شمس الإسلام*~
المدير العام
المدير العام


الجنس : انثى
البلد :
العمر : 24
المهنه :
الحاله :
عدد المساهمات : 1284
نقاط : 14973
تاريخ التسجيل : 18/02/2010

مُساهمةموضوع: رد: الاستاذ رمضان مبروك الف مبروك على التعليم المصرى   الخميس أكتوبر 14, 2010 2:40 pm

طبعا على الجهة الاخرى فى مدرسين بجد تحب تديهم عيونك لانهم بيكونوا واخدينها مش مهنة وخلاص ...لا بيكونوا واخدينها حب ومساعدة للطالب ....
بيقدموها رساله بيكون الطالب ساعتها نفسه يكون مدرس للمادة بتاعت نفس الاستاذ اللى شاف فيه المعلم القدوة اللى بجد
فى مدرسين بيأثروا فى الطلبة تأثير ايجابى جدااا
وللاسف فى العكس جدا جدا كمان
فى مدرسين مجرد وجودهم حاجة تشرف المجتمع كله
ولهم منا كل التحية والتقدير
وان كانوا مش بينتظروا حتى كلمة شكرا من الطالب بيكونوا بحر عطاء واسع بلا حدود انا شوفت دول زى ما شوفت دول
وسمعت تعليقات الطلبة على كل مدرس





مش مهم انك تغير الكون... المهم انك تخلي الكون ما يغيركش
"أسأل كثيرا لماذا
أشعر بالسعادة فقط عندما أتكلم إلي نفسى, و عرفت بعد فترة أن سبب الراحة
هو كونى الشخص الوحيد الذى تريحنى إجاباته"
الرجوع الى أعلى الصفحة اذهب الى الأسفل
 
الاستاذ رمضان مبروك الف مبروك على التعليم المصرى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الكافيه :: الركن العام :: القسم العام-
انتقل الى:  
عدد الزوار حتى الان
free counters